一向致力推動環保的鍾楚紅，昨日在尖沙嘴出席慈善攝影展，對於近日退休政府規劃師薛國強倡廢除中環的電車路段，紅姑捍衞電車說：「呢啲係香港特色，又唔污染，巴士咪阻塞！我成日都見到空車，唔係話唔好，但係都應該有啲計劃。」
紅姑亦提到近日般咸道有老樹被斬，她多次表示很傷心，更炮轟：「我覺得啲樹喺度滴緊血，點解唔諮詢吓我哋同啲專家？真係好漠視，啲樹係可以保育、可以醫，我哋唔保育，到傷咗人又賴啲樹，但係之前有病又唔照顧佢咁靚既樹係我哋財產。」紅姑更揚言為了大自然，任何代價都可以付出。
此外，不少藝人包括梁祖堯、湯駿業都在facebook發聲護電車，歐錦棠更貼文說：「坐叮叮是香港人的生活習慣，是可動的香港歷史象徵，堅守百年使命與港共存共榮，如今竟遭被提出遷拆金鐘至中環路段藉以改善交通擠塞，簡直荒謬絕倫！不懂尊重傳統，鄙視歷史文化！」
採訪：溫敏芝
攝影：仇志德
