想喺美網同女神舒拉寶娃（圖）磋波？這些機會是屬於美國球迷的。美網今個月31號就開波，舉行期間場邊將會設有三個贊助商攤位，透過精密嘅電腦特技，球迷可以同俄羅斯靚女網球手舒拉寶娃嚟場虛擬大戰，試吓點樣應付舒娃時速閒閒地超過160公里嘅發球，諗吓都覺得爽。喺贊助商發佈嘅預告片入面，睇到呢個虛擬畫面像真度就一般，但係當手執球拍實戰嗰陣，個感覺應該真實好多。