前曼聯中場吉遜喺三年前加盟愛華頓初期表現似模似樣，但近一、兩季都係傷多過踢。雖然佢踢波冇力，但踩油走人就仲好好力。吉遜喺日前提堂，指佢喺周日涉嫌揸車撞到一個踩緊單車嘅人，之後不顧而去再撞去附近一個油泵度，被指控醉駕、不小心駕駛同埋發生意外後不顧而去呢三條罪，到下個月一號再出庭應訊。