【本報訊】國泰航空業績不如預期，管理層揚言不會進軍廉航，但不少國泰常客近日狂轟機艙無氈派，多名空中服務員在網上留言大呻「巧婦難為無米炊」，有客人要蓋報紙保暖猶如「乞兒」，甚至最終要調高機艙溫度，令一眾空姐空少工作得「身水身汗」；有客人批評國泰「向3星airline出發」，枉稱「premium airline」。
被質疑節省成本
不少巿民近日在網上抱怨國泰最近減少派發毛氈，質疑是另一節省成本之舉。有空中服務員在網上留言，指有乘客因不獲發毛氈，退而求其次取報紙，「後來佢問我拿報紙，唔係想睇，係因為凍想用報紙冚住自己保暖！」有同事隨即附和：「做咗咁多年都未遇過有客要喺飛機冚報紙扮乞兒！嗰一刻我真係覺得好羞家呀！」有空中服務員更指為了減少乘客取毛氈的需求，把客艙氣溫調高，令一眾同事「出晒汗」。
國泰航空空中服務員工會主席黎玉嬋指，毛氈總數沒特別減少，但管理層因應6月南韓爆發中東呼吸綜合症，要求空中服務員不可向客人提供曾用過的毛氈。
在新政策下，每程機的未開封毛氈量減半，以香港台北兩程計，每程只有50張毛氈供應，「如果啲客真係要用，就會通知乘客嗰張係reuse blanket」，但她表示沒有親眼看到有乘客以報紙保暖，「因為其實仲可以調校cabin嘅溫度，報紙本身都幾污糟」。黎表示，不少同事曾向管理層反映情況，她所知公司在本月1日開始調整毛氈量，認為數量可以改善。
國泰航空發言人無回應近日毛氈比例有否減少，只表示因應不同航線、航班時間、飛行時間及來回航班毛氈需求作出預算，又指會定期檢討數量。
■記者張嘉雯
識睇睇留言
「做咗咁多年都未遇過有客要喺飛機冚報紙扮乞兒！嗰一刻我真係覺得好羞家呀！」
「班班機都派咁多survey（調查）！派嚟做乜X請問，問完人又左cut右cut，唔通有乘客投訴毛氈太多、啤牌太多餘？係咪用嚟試吓乘客嘅底線㗎。」
「我都試過有個伯伯拎報紙冚住自己，老實講我都覺得好唔好意思，咪搵個pillow（枕頭）畀佢冚住對手囉。」
「為咗夠blanket（毛氈），主管校到cabin（機艙）好熱好焗，個個做到出晒汗。」
「不如搞個毛氈捐贈活動畀國泰嘅乘客。」
資料來源：網民留言