蘇爾達杜終於離開熱刺返西甲加盟維拉利爾，相信對刺迷同佢自己嚟講都係解脫。維拉利爾喺周二為佢舉辦嘅歡迎大會，例必梗有露吓腳法同踢個波上看台畀球迷呢個環節喇，點知蘇爾達杜踢兩次都踢到九樓咁高，冇人有機會攞到個波。我求大俠都有啲戥黃色潛艇球迷擔心，佢哋唔知會唔會驚蘇爾達杜到正式比賽，攻門嗰陣都會係咁唔知射咗去邊呢。