天津大爆炸，師奶七嘴八舌，在阿信屋掃完貨唔願走，猛說以後要睇清楚標籤來源，認住天津來貨，咪亂入口。
「梁凸無好帶挈，兩年前讚天津城市規劃好，說香港起樓要向天津借鏡。結果點？那幾個乜乜海港城，炸到飛起，以後貼錢都無人敢買。」
「梁凸搞出來的港人港樓，唔知又係咪鉛水建築商，鉛水換喉還有得救，氣喉爆炸就一鑊熟。」
「梁凸齋做顧問，都搞出山埃人禍。梁凸做香港凸首，收尾這兩年，咪隨時步天津後塵？咁我還排隊幫阿仔俾首期買樓？移民好過！」
「你移民一走，身份地址被人挪用去登記投票，跟住收到中聯辦和公安來電指控你選舉舞弊，迫你匯款，一通電話，唔見幾十萬！」
「梁凸連老樹都要斬晒佢，將老香港連根拔起，想香港變天津港，邊個阻佢連任，就引爆同歸於盡！成日講等埋，等埋乜先？係咪山埃？梁凸指定，叫林鄭示範洗清，睇你班港英餘孽點死！」