陳奕迅（Eason）前晚於銅鑼灣出席adidas Originals主題概念店活動，又於現場打手印。放完大假的Eason心情靚爆，他透露已將名字中的「奕」字註冊，他說：「之前潘迪華姐姐幫我整圖章，係用篆書寫嘅，𠵱家製作公司都係用呢個『奕』字，已經喺全世界註冊。」
Eason又表示需要有系統地保障原創，提到四川蠟像館，當中章子怡蠟像的髮線比Eason高，他說：「藝術品係畀大家評論同有唔同啟發。」有想過註冊自己的髮型嗎？他說：「你估雀巢咁易整，係用好多口水堆埋一齊，我化妝係屬於我化妝師，髮型屬於我髮型師，我個樣都唔係屬於我，我把聲都係屬於全香港。」
採訪、攝影：羅慧敏