【等埋首副】
【本報訊】港大畢業生議會下月1日舉行特別會員大會，表決兩批校友提出的3項涉及遴選學術人事及資源副校長風波的動議。「支持十大院長聲明」的建制派校友組發言人彭泓基昨聲稱反對「等埋首副」，但又反對另一批校友動議要求校委會30日內處理副校長任命，反問「點解要講日期呢？」又深信校委會，「出咗錯誤，會自我矯正」。
指校委會應詳細解釋
自言屬「維護母校派」的彭泓基昨在商台節目表示，支持十大院長聲明，因要確保港大學術自由及院校自決，排除外間干預。對於校委會以等待首席副校長而拒絕審議副校長人選，他先說「我哋冇任何贊唔贊成」，之後又說「唔係贊成等埋首副」，再而稱「等埋首副解釋應詳細少少」。
彭指拖延是近期紛亂起端，促校委會勿再拖延，但反對港大校友關注組動議，要求校委會30日內處理副校長任命及作出書面解釋，「使唔使咁細節呀……點解唔係24小時？唔係3日？唔係20日？」主持追問即應該多久時，彭反問「點解要講日期呢？唔鍾意30日、要書面交代」。
關注組召集人葉建源解釋，因校委會每月開會一次，所以限期30日。
■記者倪清江