星展香港過去兩個星期五，搞咗好多員工活動，例如整咗個遊樂場畀員工嘅小朋友玩，就連行政總裁（CEO）龐華毅（Sebastian）都帶埋靚靚老婆Shanti同埋兩個囝囝返公司與眾同樂。唔講唔知，靚太之前係印尼歌手。
Sebastian其實係南美洲厄瓜多爾人，之前曾經喺印尼一間銀行做高層，可能因此認識到Shanti。
靚太喺印尼亦有名氣，𠵱家仲可以喺YouTube搵到佢嘅MV。
兩人喺2010年結婚，婚後靚太息影，相夫教子，兩人𠵱家居港，育有兩位好可愛嘅小朋友。
講番呢個名為Kids@Work嘅公司活動，現場有魔術表演、人體彩繪等，仲可以着上星展制服影相留念。星展希望，透過活動提升員工士氣，玩下笑下都係好嘅。