渣打集團（2888）自從新任行政總裁溫拓思（Bill Winters）上任之後，大刀闊斧整頓，有人辭職，有人被辭職，不過呢個熱廚房，總有人會走入去，佢哋新近就從蘇格蘭皇家銀行（RBS）挖走嚴守敬（David），做大中華區債務資本市場部（DCM）阿頭。
David以前喺RBS睇開北亞區，𠵱家就只係睇大中華區，佢最叻睇亞洲定息產品業務，以前主要喺中國、香港同埋韓國市場推債券。𠵱家挖咗David過嚟，渣打大中華及北亞區資本市場部阿頭鄭俊峰（Tee Choon Hong）應該就可以輕鬆些少。
不過話時話，早排渣打將高層職位架構濃縮，或者叫做精簡架構，搞到位位高層都好似三頭六臂好打得咁，希望渣打唔會呢頭請人番嚟，嗰頭就俾人挖角喇。