近日陸續有騎師復課，而前冠軍騎師潘頓則在今日復課，他全日共操九駒，包括首匹出試的「永旺年年」。在暑假期間，這位澳洲好手未有偷懶，務求以最佳狀態開季，其中他曾到日本客串，並取得七W，成績可人，之後和家人飛往菲律賓宿霧度假一星期。
潘頓屬於易肥一族，過往唞暑後經常「發脹」，上年暑期在日本客串期間觸傷前腳跟舊患，返港後幾日都唔敢操馬，不過今年情況就好得多，據他表示近日未有磅重，但感覺自己較以往任何一季返港時Fit得多，亦無需刻意減磅。
被問到新季展望，潘頓謂最希望今季繼續獲得支持，重奪上季失落的冠軍騎師榮譽，亦希望再次揚威12月的國際賽。最後他透露有機會夥拍日本馬「成名遊戲」出戰10月17日澳洲考菲爾德盃，與及11月3日的墨爾本盃。