有政壇多仔公之稱嘅公民黨立法會議員總舵主陳家洛,佢嘅大女Monika上年到咗波蘭修讀政治及國際關係,今個暑假返咗香港陪家人,似乎佢都好緊張老竇嘅地區工作,前日傍晚落機後,噚日即刻陪老竇到海怡幫手,認真內外兼備,有美貌又孝順。為答謝阿囡鼎力相助,家洛話佢哋落區後,請囡囡去海怡一間甜品舖食嘢(圖),父女相聚梗係無所不談,但家洛話其實邊食都係邊講解佢嘅地區工作,兼且分析吓香港政局。而Monika呢次返港會逗留約3個星期,之後返波蘭升year 2,睇嚟海怡街坊都有機會遇上呢對父女檔。