𠵱家出街見到大部份人都係望住部手機，聽講喺歐洲就算入場睇波嘅球迷都一樣係咁，啲球迷買飛入場竟然唔係現場睇波，而係照樣掛住篤電話，你話因為咁樣錯過咗入球又幾無謂呢。德甲嘅多蒙特諗咗條計仔去令呢個情況改善，每當有比賽進行，就會將球場範圍嘅無線上網速度減慢，正所謂上網慢慘過冇餸得白飯，球迷冇癮自然就會更加專心打氣喇。