能夠在瘋狂樓市中置業，也許是人生重要的里程碑，但每人的反應不一樣，不能一概而論。阿樂率先大聲說：「萬歲！我們買到樓喇，終唔使住劏房，年年被業主加租、逼遷，唔使再俾三姑六婆講閒話！層樓仲要係全新！有酒店式大堂、泳池、宴會廳、空中酒吧，仲有名牌廚具電器！可以招呼親友一齊玩！真係有頭有面，諗起都開心！」
阿愁走到阿樂身邊低聲說：「但我哋要開始供樓喇，以後要節衣縮食，唔可以個個月去歐遊，只可以去台灣、澳門甚至返大陸，或者留在香港同自由行逼；仲要無得個個禮拜去high tea，年年食酒店聖誕大餐，無得買名牌手袋，人生真係無晒意義呀。」
阿憎在角落暗罵：「哼！個樓盤咁多大陸人住，若佢哋在泳池或公家地方吐痰便溺點算？個廁所無窗，病菌咪會快速散播？我哋仲要個個月畀幾千蚊管理費，啲血汗錢實俾班吸血鬼吸乾晒啦！」
阿驚焦急地說：「家陣財政壓力大咗咁多，老公剛剛轉咗新工，個變臉上司和同事賤格到無朋友，日日玩政治唔做嘢，老公有機會被炒魷；老爺呢排入咗醫院要使好多錢。三十年流流長，層樓點供得完呀？」阿燥大叫：「𠵱家全世界烏煙瘴氣！香港有鉛水，政府又做唔到嘢；班議員淨係識幫新移民爭權益，唔理香港人；班八、九十後就搞保育搞佔領搞抗爭；中國又有金融危機、經濟新常態乜乜乜；跟住美國又話要加息；歐洲又有債務危機，個個都唯恐天下不亂，真係煩死人！」說能買樓就一定開心？
地產小子
http://propertykids.blogspot.hk/