這天晨課期間天氣欠佳，然而大圈出跳馬原本仍相當踴躍，徐雨石及鄭俊偉更首朝派馬大圈出跳，但6時半左右雨勢實在太大，於是受薪董事決定封圈，暫停操練，天文台亦隨即發出黃雨警告，一班練馬師如姚本輝、蘇偉賢、鄭俊偉等，顯得十分無奈，佢哋冇得睇馬，就聚喺烽火台吹水。
期間雨勢其實冇停過，但到咗約7時45分左右，馬會唔知點解，突然重開跑道，於是一批以呂健威、文家良馬房為主的馬匹步往操練，但唔夠兩三分鐘，不停行雷閃電，雨勢更好似倒水咁，所有馬立刻雞飛狗走，折返馬房，搞到非常狼狽，全日晨課亦告結束，天文台亦於8時，改發出紅色暴雨警告。