曾幾何時係意甲勁旅之一嘅帕爾馬（圖），喺呢一兩年就真係坎坷，上季球會破產兼喺聯賽包尾降班，再被罰降落丁組，直到最近情況仍然冇改善，債權人要將球會昔日贏到嘅獎盃拍賣套現。被公開拍賣嘅獎盃包括有93年歐洲盃賽冠軍盃、之後贏嘅歐超盃同埋99年嘅歐洲足協盃等等。除咗獎盃，連球會嘅訓練用具、電視機甚至凳都會拎晒出嚟拍賣。