「我公司上年業務重組，雖然公司講明不會裁員，但我部門的同事走下又一個走下又一個，根本唔夠人手。原來的主管重組後被委派接手一個新部門，都係盡下義務幫手睇住我哋，但始終新成立的部門要佢出盡全力，唔可能再睇舊部門。當時我仲係junior，因為見我勤力唔怕辛苦蝕底唔夠人做嘢主動加班唔放假，佢就同我現任上司推舉我接上去做team頭，雖然做多咗好多嘢但係人工同埋職級照舊完全冇郁過。初時大家都無乜嘢，但最近開始有人喺我背後想玩嘢。我承認我呢一種『唔怕蝕底嘅精神』的確會在職場上『做爛市』。不過如果你真心想分享到公司成果，就請腳踏實地默默耕耘，而唔係妒忌我身份同際遇利用旁門左道打擊我，破壞成個工作團隊和諧氛圍，對邊個都冇好處。我好煩條氣好唔順，請問我應該點做好？」
我不明你的「唔怕蝕底嘅精神係會做爛市」的論點何來，只是你所言的若是屬實，我不怕大膽公開承認我就是個做爛市的佼佼者！我之所以今日略有小成，全賴不怕蝕底的拼勁及精神。你令我想起當日初出道心浮氣躁自恃做事完全不識做人的自己。
如你所講，不管是那個部門職級職位，做任何事或決定理應都是以公司上下整體的利益及得益為考慮。可是事實上莫講做得到，真正明白這個道理的人並不多。尤其年輕人，最需要的就是經驗，而經驗只能從工作上不斷磨練累積。你能夠脫穎而出被賞識委以重任，證明了你的辦事能力，值得嘉許鼓勵。
你面對的挑戰，就是你學習做人磨練待人增長智慧增高EQ的機會，是你通往成功之路必經的階段。記住滿招損謙受益，專心做好自己份內事，閒言閒語，你還得閒理會？
張慧敏
http://www.facebook.com/HKcareerdoctor