謝婷婷和郭偉亮（Eric Kwok）昨日在九龍灣宣傳新片，婷婷表示有看過爸爸打曾江片段，她說：「當時擔心佢哋對打，爸爸啱啱79歲生日，佢都成年啦，佢唔係一個慣打交嘅人。」有人質疑是宣傳，婷婷說：「我又唔覺得，不過我唔知。」
會否建議謝賢向曾江道歉？婷婷說：「未見過老竇對住記者朋友面前咁樣，非常唔似佢。以前霆鋒喺樓下同人打交，爹哋答媽咪：『幾叻喎，我都未打過交！』證明爹哋好少同人打交。」Eric插嘴說：「係東邪先可以令佢出手，我覺得佢（四哥）係宇宙最型，Rock Star。」婷婷笑說：「個個睇完都覺得佢型。」
謝霆鋒和媽咪狄波拉前晚9時許則現身養和醫院，探望發燒入院的細仔謝振南（Quintus）。戴住口罩的霆鋒準備上車時，被問「有冇打比四哥問候吓佢」、「係咪仔仔病咗」等問題，霆鋒全部冇答。而張崇基、張崇德昨日在灣仔談到栢芝細仔入院，他說：「係發高燒，我哋冇探佢，但一直有聯絡。」
採訪﹕張俊銘、徐錦池、吳耀輝
攝影﹕陳志嵐