吸煙害危健康，不過小米主席雷軍一於少理，噚日喺北京完咗小米秋季新品發佈會之後，即刻走出去露天廣場「打邊爐」，唔知雷總係咪為咗籌備呢個年度發佈會，搞到壓力太大，要靠尼古丁減壓呢？
華華聽聞，雷軍吸煙好有要求，不作他選點名要食「中南海」。呢個牌子隸屬「上海煙草（集團）公司北京卷煙廠」，仲有出品「紅雙喜」、「中華」、「熊貓」等牌子，同每日食兩包「熊貓」嘅前國家領導人鄧小平一樣對呢間公司情有獨鍾喎。
雷軍壓力咁大，可能能感受到小米中國龍頭地位有少少動搖，皆因近年國產手機競爭激烈，樂視、一加、魅族等等都好鍾意狙擊小米，搞到雷軍噚日都喺發佈上不斷串對手反擊，仲將魅族旗艦系列MX讀成「媽叉」。下次魅族又會點寸返雷軍先呢？