梁漢文一連兩場紅館演唱會，前晚圓滿結束，台下繼續群星拱照，連牛一的許志安也繼續捧場，真是夠晒老友。早前梁漢文揚言在演唱會挑戰杜德偉除衫，他一度表示準備就緒，現場觀眾即刻大叫「除衫」，結果卻臨陣退縮，他說：「講吓啫，杜德偉喺度我邊敢。」
擔任尾場嘉賓的是王菀之及鄭中基，鄭中基出場時戴上蜘蛛俠面具唱《月半小夜曲》，他抵死說：「我係蒙面歌王，我知巫啟賢喺度，認唔認到我唔緊要，不過我會戴到梁漢文出來為止。」令全場捧腹大笑。騷後梁漢文在後台接受訪問分享經歷時，說到眼濕濕：「冇乜歌手好似我咁，演藝事業咁峯迴路轉，太太嗰部份都有眼濕，我係想講心入面嘅嘢同歌迷分享吓。」
採訪：馬建華
攝影：陳順禎