港版「半澤直樹」陸駿光與圈外女友Sherraine下周六（22日）拉埋天窗，早前二人在攝影公司邀請下到石澳拍攝婚紗廣告，可惜第一日拍攝外景便落大雨，二人呆等兩個鐘，最後仍需改期，認真掃興，陸駿光說：「唔會失望嘅，不過冇諗過啲雨落唔停，希望行婚禮嗰日天氣會好啦。」
頻頻發噩夢
一對準新人早前已經在韓國拍攝婚紗相，所以不打算在香港再影，但難得婚紗公司邀拍廣告，陸駿光笑言是開心價，而且第一次與未婚妻一齊接工作，他說：「佢面對鏡頭OK嘅，反而我就有啲尷尬同怕醜。」談到籌備婚禮進度，他表示一切由Sherraine話事，問是否開始緊張？他說：「開始有少少，試過發夢未派晒帖，紮醒咗，婚宴會擺30幾圍，都驚請漏人。」
派帖王維基
陸駿光表示到時會請港視和無綫的舊同事出席婚宴，但港視人會較多，已經派帖予舊老闆王維基。據悉兄弟團有黃嘉樂、鄭俊弘及一些中學同學，未婚妻就僅得四位好姊妹，Sherraine笑說：「我哋得四個，𠵱家都驚咗佢哋嗰十個兄弟。」陸駿光約滿港視後拍過葉念琛新戲，《Z風暴2》又開工，之後會幫內地一個網站拍電影，他說：「經濟暫時都OK，雖然係咁，但婚禮都唔會豪花，以簡約為主。」
採訪：溫敏芝、嵐山
攝影：陳慧安