八方之前都寫過，北京喺下個月3號喺天安門廣場舉行抗戰勝利70周年大閱兵，唔少政界中人已經獲邀出席，據聞最終有200幾人榜上有名。
據知特首梁振英會率領一眾港府官員出席，但唔會係全部喎，因為部份人要留港出席當日在港由各界團體舉行嘅抗戰活動；但外界最關注嘅，當然係捲入貪腐案嘅前特首曾蔭權有冇份？有傳媒噚日報道，煲呔疑似因為醜聞纏身，已經婉拒北上觀禮邀請喎，點知前任行政長官辦公室則澄清，煲呔實際上幾個星期前，已接納中央邀請，仲答應出席㖭，似乎中央都冇刻意同佢劃清界線箒。而幾名溫和派嘅泛民中人，包括政改後退出公民黨並辭任立法會議員嘅湯家驊、立法會議員李國麟同民主黨狄志遠，據知都獲邀兼答應隨團咯。