韓君婷昨日在觀塘出席apm活動，狀態大勇的她透露現時經常做運動，又計劃做youtuber分享扮靚及煮食心得。問她會否分享厭食症經歷？她說：「我唔介意講，要俾人知道應該點處理，有機會會分享，主要想鼓勵番年輕人。」韓君婷表示正看書及上網學剪片，又準備搬屋：「我同兩個女朋友一齊租，可以大間啲，仲喺睡房預個位出嚟拍片，希望9、10月可以搬入去。」
問到被指變臉即獲九巴後人雷德賢追求？韓君婷強調無整容，又解釋與雷德賢只是好友：「我同雷生識咗好耐，係飲飲食食嘅友情關係。」她坦言不乏圈中及圈外人追求，亦不介意約食飯互相了解：「不過急唔嚟，呢啲係天注定。」
採訪、攝影：盧妹