新民黨主席葉劉淑儀喺fb貼「大腸密照」卻不慎洩露身份證號碼，最終佢fb管理員Eric公開道歉，網民質疑葉劉逼下屬食死貓。自由黨田北俊唔放過抽水機會，自稱「田北俊FB專頁管理員田毛毛」嘅人喺田少fb留言，仿Eric用詞話要向田少「鄭重道歉」，指日前幫田少上載嘅fb貼文「太過出色」，「導致田北俊先生專頁like數激增，對他構成極大困擾」。
近期頻抽政界水嘅「幸福醫藥」都唔執輸，喺fb貼咗名為Eric同朋友嘅對話cap圖（圖），呢位Eric話俾人照肺，然後貼「肺葉」X光片出嚟，點知朋友提示上面嘅身份證號碼冇遮冇掩喎。
葉劉噚晚回應話唔會減Eric人工，但希望對方日後小心。對於田少抽水，佢話：「好閒啫。」