上市公司喺酒店舉行業績會，通常會要求酒店提供少少茶點畀記者與分析員，全球最大豬肉股萬洲國際（288）噚日別出心裁，展示過百款自家產品，雪櫃都有埋，仲搵酒店幫手，煮出十幾款唔同味道嘅香腸，令全場好有「肉感」。
萬洲一次過晒咁多腸，搞到業績會同美食展差唔多。有趣嘅係，唔少產品嘅名稱比較古怪，好似「酸萌萌香腸」、「弗吉尼亞風味烤腸」、「海威夷早餐腸」等，好有強國feel。
萬洲旗下兩大品牌雙滙與Smithfield，分別係中國同美國豬肉製品龍頭。公司話，今年會引入雙滙到香港，初步會搵餐廳合作先；而美國Smithfield嘅產品，𠵱家已經可以喺部份貴價超市搵到。