港人慣咗去到邊、selfie到邊，德福廣場相信係未來自拍族嘅呃like熱點，因為佢哋特邀3D立體畫王黃俊飛同著名畫師鄺世傑合作，創成咗7幅立體視覺藝術作品，重塑香港已經消失或者罕見嘅場面，畀大家影相自拍緬懷一番，無論係想感受飛機劃破九龍城長空嘅震撼場面、或者坐人力車飛越古老石板街、甚至喺雍雅山房沖杯絲襪奶茶都得。如果大家想影張有趣相片，兼時光倒流感受一吓老香港，不妨喺8月30號或之前到德福廣場一期中庭逛一逛。