警方日前高調拘捕3名UBER職員，引起唔少網民熱話，原來係投資推廣署喺今年7月都有份推廣UBER打入香港市場。咁即係，政府推行，警方打壓？
諗咗一晚，推廣署終於諗到點拆，就係話：UBER涉嫌合法範圍外經營。所以推廣署連推廣UBER嘅網頁都delete埋。
玩hashtag玩到出神入化嘅軒仔張敬軒，昨日喺Instagram貼出「白牌車」由邊個引入嘅圖，hashtag全文：「唔信政府會公然介紹白牌車公司 #大家都忙著鋸樹邊度仲有時間 #呢單嘢好靈異 #介紹返 #車又靚又唔衰聲又唔黑面又唔揀客又唔加收又唔會喪dup停chok到你嘔 #冇可能 #冇可能會好過的士 #肯肯定係眼花 #諗唔到 #農曆柒月流流 #真係見到污糟嘢 #一定係有駭客入侵 #一定係幻覺嚟嘅 #一定唔係精神分裂 #恭喜香港 #發射多枚柒號宇宙飛船上太空 #已飛出銀河系 #熱烈地彈琴熱烈地唱 #掌聲在哪裡」
連「發射多枚柒號宇宙飛船上太空」都俾佢諗到，軒仔果然厲害。