坐擁超過3億元物業嘅娛樂圈富婆容祖兒（Joey），佢媽媽余金鳳日前買貨，豪擲3,557萬元買入南區大潭紅山半島1個三房單位。
根據土地註冊處資料顯示，大潭紅山半島7座中層B室，實用面積1,582方呎，上個月底以3,557.21萬元易手，登記買家同Joey媽媽同名。
聽講，Joey咁耐以來嘅物業投資都係由媽媽負責，有時聯名，有時以個人名義，佢哋兩母女特別鍾意港島豪宅，好似東半山松柏新邨、香港仔深灣9號、大坑曦巒都有貨在手，所以今次買入紅山半島，都符合佢哋一貫嘅投資風格。Joey就透過經理人回覆話冇回應。紅山半島年初開始賣貨尾，一直有名人捧場，英皇娛樂酒店行政總裁余永焯與湯文亮個女湯振玲都有大手掃貨。