港鐵董事局再有變動。本身做緊多項公職嘅梁粉劉炳章（圖），噚日獲委任做港鐵獨立非執董，每年袋30萬董事酬金。八方簡單做咗個統計，做過梁振英競選辦副主任嘅劉炳章，自CY上任後扶搖直上，已經第4次獲任重要公職，先後獲任為長遠房屋策略督導委員會、經濟發展委員會以及大嶼山發展諮詢委員會委員，難怪佢一直奮力為政府政策護航。今次同獲委任做港鐵獨立非執董嘅仲有偉易達主席兼CEO黃子欣。
至於陳方安生堂妹、社聯前行政總裁方敏生，同日宣佈辭任港鐵非執董，原因係佢覺得做咗港鐵董事逾10年，係適當時間退任。港鐵上市公司公告仲煞有介事話方敏生確認自己同董事局冇意見分歧。