近日網上流傳一段搭東鐵食煙短片，片中仁兄肆無忌憚係車廂點煙，最後乘客搵車長求救。此片一出，令網民再次關注搭車令人討厭嘅行為。主要歸納咗幾大種，仲話由呢啲行為睇得出香港無前途咁話。究竟有冇咁誇張，即刻同大家睇吓﹗
要數乞人憎之最就係唔識讓人落車﹗有啲人為咗自己快啲上車霸靚位，人家都未落車就一支箭衝上車，結果咪大家攬炒囉。第二憎係雙腳釘死喺門口，明明車中間仲有大把位，死都要釘係門口，當然仲有一眾柱男柱女啦。
有網民話呢幾點完全講中晒佢哋心聲，亦有網民見過有人死都要企係門口唔讓人落車，好似行咗出去就上唔番車喎。
想知仲有咩搭車乞人憎行為，做個高質香港人，識睇一定係睇片﹗