因為身體太健康，急不及待將照完內窺鏡嘅大腸密照喺facebook公開，以示有心有力選特首嘅新民黨主席葉劉淑儀，唔記得將密照上嘅身份證號碼隱去，搞到個人資料外洩，佢即時刪文同圖，但就俾網民cap圖諷刺一番。點知負責管理專頁嘅Eric Chan，噚日親自喺葉劉fb留言：「導致葉劉淑儀女士的個人資料外洩，對她構成極大困擾，本人在此向她鄭重道歉。」唔少網民睇完後鬧爆葉劉要員工食死貓，替Eric不值，有網民仲話，葉劉連自己嘅員工都唔肯捍衞，唔使旨意佢捍衞香港市民，有人話密照嚟自葉太，佢最清楚上面有個人資料，冇理由出咗事就叫下屬孭鑊。