如果問趙世曾如何保持青春之道，一定係要有女！有money之餘，亦都有有honey先得嘅，所以趙世曾就算快到80都好，一樣健步如飛。
呢日《壹》仔就見到趙世曾同兩位honey一齊行街，戴住副黑超嘅趙世曾，邊行邊除衫，一樣有型有款，絕對唔輸俾一眾後生型男。囡囡都好識做，即時拎住趙世曾件西裝外套，真係話到醒尾，認真識撈！
唔好以為兩女爭一男，一定會係腥風血雨，你睇吓呢兩位幾咁好姊妹，一個吹沙入眼，另一個即時停低幫下手，並冇話要趁機mark實趙世曾爭寵。至於趙世曾，已經一早開定車門等緊兩位honey，盡顯gentlemen風度。