警方近來展開名為「雷霆一五」的反黑行動，大掃全港各區的黃賭毒。其中在新界元朗，警方先後搗破了多間有大量性感泰國女子駐場陪玩的無牌酒吧。由今年初開始，元朗屏昌徑一帶的唐樓地鋪，出現了大約二十間這類無牌夜店。他們沒有酒牌，所以客人要走入神秘兼陰森的後巷，用後門出入。
難怪住在樓上的街坊曾小姐一點也不察覺，她說：「無牌酒吧就唔覺，我淨係知道我屋企樓下有兩間酒吧，應該有牌。泰妹我淨係知道呢度有間泰國士多囉，但唔知裡面有酒吧或陪酒服務。」《壹》仔出示吧內拍得的泰妹艷舞照給她看，她才嘩然一聲說：「肯定會（影響治安）喇，日日都有醉酒鬧事，晚晚都有，多數都係開拖嗰啲。」
還有街坊王小姐怕這些無牌泰淫吧影響子女發展，她指：「梗係唔可以有啦，我哋大家都係住家嚟嘛，有細路仔，搞到啲治安唔好，（你驚啲細路仔會去？）梗係啦，我哋啲細路仔個個都十幾歲喇，所以都開始驚㗎喇，有時佢哋做兼職夜晚返嚟都唔係咁好啦。」
另外，附近一名不願上鏡的有牌酒吧負責人表示，自從這些無牌俱樂部開張後，搶了他們不少客源，生意跌了接近兩成，「佢哋有女陪，又有艷舞睇，加上酒水價錢較平，一定多人去喇。」