羅渣士（圖）可以執教英超大球會利物浦，又同女朋友如膠似漆，原來都只係表面風光，因為佢喺一本名為《活在火山上》嘅新書中接受訪問時話，過去四年係佢生命中最痛苦嘅四年。羅渣士話：「喺過去四年，我失去咗老竇、阿媽，又同自己愛過23年嘅女人分開，個仔仲要被控性侵犯，真係該煨！」不過，羅渣士亦承認，喺事業上，呢四年發展唔錯，前季仲差啲幫紅軍奪得英超錦標㖭！