賭王何鴻燊三太陳婉珍，昨日下午同女兒何超雲現身跑馬地，當時有兩部車及兩名司機喺一間足療專門店外等候，佢哋都好似等咗兩個鐘，相信係兩母女按完腳。超雲素顏、身穿短褲、戴平光眼鏡，但佢對鞋似乎未着好，踩住鞋踭急急腳離開足療店，而超雲身形好似瘦咗少少喎；至於三太就身穿T恤及長褲，以平民Look示人，打扮隨意。