已為人母嘅前女子組合2R成員36歲嘅黃婉君（Rosanne）近日同大仔Dylan及細仔Daniel喺7月中先去咗英國玩，不時喺微博po相，近日又同兩個仔搵埋32歲細妹Race(黃婉佩)喺新加坡度假兼睇國慶騷。
Rosanne昨日凌晨喺微博貼出細妹Race同大仔Dylan嘅合照，Race皮膚白滑、保養得好，睇落兩人似足姊弟咁，一啲都似三十幾歲!Rosanne留言：「謝謝阿姨RACE黃婉佩帶大寶貝去到新加坡國慶現場看慶祝，孩子第一次現場看這麼大型的演出，樂透了！！媽媽就在家跟弟弟看煙花新加坡SG50快樂。」而另一相中，就喺細仔Daniel同Rosanne喺露台睇煙花，但係細仔個反應似乎有啲呆，眼仔睩睩望咗去另一邊，唔知佢諗緊咩呢?