護士被譽為白衣天使，在靈實醫院工作38年的鄒玉卿卻被戲稱「豬肉佬護士長」，源於她升任護士長後，每日仍戴上「豬肉佬圍裙」為長者沖涼，此舉卻獲下屬尊重。她指為長者沖涼時例必拉簾鎖門，有毛巾遮蓋下身，小心沖洗敏感部位，批評劍橋護老院剝光長者露天沖涼做法「離晒譜」，這位靈實天使上月底退休，結束38年護士生涯。
草根出身鄒玉卿是家中長女，中學畢業後修讀那打素護士學校，每月賺數百元幫補家計，亦學習護理知識照顧患病爸爸。1978年起在靈實醫院負責照顧中風長者，醫院間中舉行一日遊，她指護士要一手一腳搬病人上車，辛苦亦值得，「就算佢講唔到，表情睇到佢隻眼係好光亮，望住你好有神」。
外界普遍覺得護士最厭惡工作是打包遺體，信奉基督教的鄒玉卿無所忌諱，她甚至對死者有個尊稱，交代一聲才清潔遺體，「你哋覺得有其他宗教，講得坦白啲有鬼，佢應該會保佑我，因為我係做佢最後最需要做嘅嘢，佢一定會保佑我甚至伴我同行，特別係我看夜嘅時間」。她指守夜不曾遇鬼，卻因一身白衣裝束在花園遊走嚇倒旁人。
1986年她升任護士長，本來毋須為病人沖涼，卻堅持每日早上9時至11時為病人沖涼，她指不因升職而卸責，才獲同事尊重，亦可掌握長者身體狀況。沖涼前會關門拉簾；沖上身時用毛巾遮掩下身，再用毛巾包裹上身防止受寒；沖下身時盡量讓長者自理，自己動手清潔會用海綿，避免直接接觸敏感部位。
斥劍橋做法離譜
她直斥劍橋護老院在露天為長者沖涼做法離譜，「調番轉，你除晒衫俾人咁沖涼會點呀？」她指與病人溝通很重要，試過有病人將假牙放在紙杯內，清晨誤將紙杯潑出窗口外，將假牙拋下山坡，病人向她求助。她表明待巡房完畢、天光後處理，起初病人不相信，最後她守諾爬到山坡找回假牙。
鄒玉卿1995年獲擢升為老人及復康科部門運作經理，她指投訴文化令不少護士灰心離職，作為主管要頂住無理投訴，亦要代出錯下屬道歉。她上月底離職時製作心形鎖匙扣，勉勵同事要解開心鎖對待病人。
■記者潘柏林