近期做埋客戶服務員、親自喺客戶fb留言兼送埋貨嘅港視主席王維基，接受報章訪問時忽然感觸話當年，自揭2012年特首選舉時，身為選委嘅佢冇投票畀前政務司司長唐英年，但冇講明係投咗畀𠵱家嘅特首梁振英、抑或泛民代表民主黨何俊仁，只係話：「我講這麼多次大學講座，結果出來他們（學生）都是說揀梁振英」，唔通暗示支持咗「一男子」？
唔知魔童自揭冇撐唐唐，係咪暗示有啲後悔？事關坊間盛傳港視被拒發牌，就係「一男子」作祟囉。魔童仲話港人近年看待事情主要睇「真心」同「認真」，點名好欣賞立法會主席曾鈺成、工業界林大輝同自由黨榮譽主席田北俊「要講就講」。