德國啲治安原來都幾嚇人，哈化柏林架隊巴無啦啦俾人槍擊（圖），好在冇人受傷！哈化柏林禮拜一德盃作客比勒費爾德，佢哋星期日搭火車到埗，但架隊巴喺接球員之前出意外，俾一個揸電單車嘅人槍擊，玻璃度留低一個彈窿！好在當時車上冇球員，司機亦冇受傷，真係不幸中嘅大幸。有報道話，隊巴喺公路度爬頭，過咗架電單車，嗰位電單車手唔順氣，就向隊巴開槍。