曼城嘅史達寧（小圖）又惹麻煩，警方發現佢架跑車（圖）撞爛咗，泊咗喺路邊，但入面冇人喺度，同埋喺前座發現到裝笑氣嘅樽，唔通史達寧呢次吸完笑氣，撞完車之後不顧而去？佢經理人就否認，話架車喺倫敦被發現，而史達寧就一直留喺曼徹斯特度練波，所以唔關史達寧事，相信可能係史達寧借咗架車畀朋友喎。真相係點，真係要等警方查吓先知。