2017年特首選戰因為國家主席習近平向財政司司長曾俊華金手一握，以至立法會主席曾鈺成連轟銳意爭取連任的梁振英，再被炒熱。到底最終北京會否向雙曾送上祝福？建制派看淡的居多，尤其覺得曾鈺成參選幾近「零可能」，反而曾俊華則似乎「尚有生機」。政圈中人普遍分析，指曾俊華若願意去馬，中央又樂意欽點，他與梁振英，兩個只能一個出閘，不會同一時間上戰場。
明明特首選舉沒有限制出閘人選，何解梁振英與曾俊華不能雙雙出閘跑馬仔？有政界中人指，對於中央而言，特首選舉固然緊要，但政府維持良好運作與管治同樣重要。
林鄭行情急跌
假若一個政府中，最高話事人特首與掌管特區財政的財政司司長都同時參選特首，可以想像，屆時的特區施政有多混亂，「唔好話之前搞啲政策，益唔益到對方，暗中較勁對政府造成乜阻力，市民睇起上嚟：嘩，原來兩位做嘅嘢都係為咗特首個位，喺度爭嚟爭去，公眾觀感都非常唔好睇，所以阿爺一定唔俾佢兩個一齊出」。
到底最終誰會出閘？至今看來還是梁振英戰意較高昂，畢竟坊間對逍遙派曾俊華願意挑上特首重擔仍有質疑，而商界亦似乎未「買重」曾俊華願意去馬。同一情況同時適用於政務司司長林鄭月娥身上，假若梁振英爭取連任，作為第二把交椅的林鄭料不會同時出閘，而林鄭盛傳因政改意興闌珊，特首行情亦急跌。
季陶
周一、三、五刊出