【本報訊】石牆樹漏夜被斬，報稱獨立的建制派、當區區議員陳捷貴（圖）全程在場。他昨於街坊悼念期間忽然現身，稱當晚被知會後已即時趕到現場，但一再迴避有無提出反對，強調自己無權去阻止工作。
「大佬我同佢打交咩？」
陳指當晚7時收到電話通知會斬樹，較其他區議員早半小時得悉行動，7時15分已趕到現場。他指到場後即時要求路政署副署長徐偉解釋原因，「佢哋話因為有24mm（毫米）裂縫，加上颱風就到，有即時危險，我只係覆述個講法」。
在場的中西區區議員許智峯質疑，陳是否眼白白「由佢斬」，陳強調自己無接納解釋，亦無默許，「佢話基於安全理由，我都冇話可說」。他又指自己無權力去阻止，反問：「大佬我同佢打交咩？」
陳聲稱當時有提出用纜線及支架去鞏固該四棵石牆樹，「佢哋話啲樹成20至30噸重，拉（着擋土）外牆倒落嚟會唔安全，而且條路又窄，落唔到支架，所以冇接納」。他重申會要求在現場設立石碑，記載倒塌的古樹事迹。
■記者佘錦洪