【兩大網企】
雖然內地兩大科網巨企阿里及騰訊（700）主營業務持續增長，亦佔公司大部份收益及純利，但兩者過去兩年「東征西討」，不斷入股規模較小的科網公司，以壯大其生態圈之餘，亦有機會得到額外投資收益「谷大」純利。
部份持股較複雜
不過有基金經理指出，阿里及騰訊入股新公司，部份持股較為複雜，令估值更困難。
過去兩年騰訊先後作出入股京東、搜狗、58同城及華南城（1668）等大型收購，今年以來則先後聯同「殼王」陳國強、黎瑞剛以及恒大（3333），入股美克國際（953）及馬斯葛（136），在美國則建議私有化網上旅行社藝龍。
至於阿里去年已入股阿里健康（241）及阿里影業（1060），今年則聯同鴻海投資日本軟銀機器人業務、又與其關聯公司螞蟻金服分別投資30億元人民幣，共同成立外賣送餐服務「口碑」。
此外，易方資本投資總監王華認為，兩間公司過去大手投資，部份持股較複雜，「馬雲私人持有啲，雲鋒持有啲，阿里巴巴又持有啲，有好多少數股東權益，令估值更加混亂」。
部份收購後更要「燒錢」，「例如滴滴同快的當年狂做廣告狂燒錢，但唔係上市公司，唔知燒幾多，（阿里同騰訊）條數就難計咗」。
他指出，阿里與騰訊作比較，後者所收購的資產較為實在，獲市場認同，「騰訊股價都反映咗出嚟」。