中遠和中海兩大航運央企上個禮拜五宣佈停牌，運作過程同之前南北車合併成中車一樣，先係涉及企業發公告否認合併，等啲消息人士慢慢收集籌碼，然後突然停牌，之後股價炒到癲咗。問題係，內地股民已中招好多次，仲會唔會上當呢？
之前南北車宣佈重組後，A股股價半年間升超過4倍，被稱為神車，但到6月初上市後就大跌超過一半，仲拖累埋A股。由於有多宗炒燶自殺案，神車變靈車。以A股往績計，凡係呢啲風頭太勁的龍頭股，通常都唔會有好下場。2007年中石油Ａ股上市，股價有16元炒到48元，被稱為中國神油，之後勁跌，搞到A股元氣大傷。
中國神油、神車都曾造成大跌市，阿爺不斷抽水，除咗今次中國神運，之後仲有神鐵、神船。
黃尹華