香港駐倫敦經濟貿易辦事處自2012年起舉辦比賽，以「香港：大學教育的理想地點」為題，俾英國中學預科生以文章、網站、網誌等形式講述香港優勢，最後選出5位優勝者來港喺大學修讀暑期課程，體驗香港文化。
今年其中一位優勝者包括Natalie Jane Dearden，18歲嘅佢嚟自英國曼徹斯特，獲安排喺香港城市大學修讀為期兩周嘅環境保育暑期課程。
課程其中一堂係學習照顧同保育俗稱「馬蹄蟹」嘅鱟。咪以為小妮子會被馬蹄蟹醜陋相嚇驚，Natalie話覺得佢哋好可愛。佢仲把握時間了解中國文化，第一日上堂已經練習用毛筆寫自己嘅中文名，覺得好有趣喎。