國足真係捉到鹿都唔識脫角。東亞錦標賽噚日進行最後一輪分組賽，由於頭場嘅南北韓大戰最終踢成0:0，只要國足（紅衫）喺尾場贏日本（藍衫）就可以力壓南韓成為冠軍。佢哋有個好開始，喺11分鐘由武磊先開紀錄，但只係開心咗半粒鐘，喺41分鐘俾日本前鋒武藤雄樹射入。換邊後佢哋再入唔到波，最終踢成1:1，賽後三戰得四分，將個冠軍讓咗畀三戰攞到五分嘅南韓。