【專訪】
金牌莊家詹培忠長子詹劍崙，過去幾年陸續辭去上市公司管理層職務，專心炒細價股。港股大時代高峯期曾炒近100隻股份的他，大跌市至今回報仍逾一倍，堪稱細價股王。他拆解莊家操控股價技倆，並提出8招炒股心法（見表），「只要大陸資金回流，甚至是馬雲再來港買殼」，細價股勢炒多陣。
記者：周家誠
詹劍崙正職是巴布亞新畿內亞駐港領事，每日在中環美國銀行中心返工兼炒股。4月初大時代開車，他一度坐住近100隻股票，4月底恒指27000點時，眼見「指數唔升，但細價股已經博晒懵」，走去沽期指，卻被挾倉。現在港股真的如預期尋底，「本身賺得好哋哋，𠵱家散戶信心盡失，中央底牌又畀人睇晒」。他的炒股組合目前僅得10隻股票在手，回報由港股大時代起近2倍，降至1倍。
若馬雲再「購物」 有利港股
他坦言，即使深港通開通，亦無助提振港股，「內地資金要嚟已經嚟咗」。現時唯有靜待內地資金重回本港的契機，暗示得到本港股民信任的阿里巴巴創辦人馬雲，若來港再「買嘢」，有力推動港股，「𠵱家只可吼波幅，唔好諗住創新高，到高位一半已經偷笑」。
大時代最大的教訓，相信是部份在天堂與地獄徘徊的暴炒股。匯財金融（8018）算是經典之一，「佢試過上3蚊，成交唔大，跌到2蚊、1蚊成交大返，跌到3毫幾成交仲大過上面」，股齡有30年的他都說：「呢啲股票好恐怖，利用小股民執平貨心理，跌咗九成先派貨，但當冇人買時，佢又抽返上嚟」。
部份股票更是明顯的陷阱，例如漢能（566）及恒大（3333），「全世界都講負面嘢，你仲衝落去，有啲錢唔應該貪」。同樣有些股票消息遭市場放大，例如數字王國（547）以4仙成本買劉嘉玲化妝品公司，股價升到2元仍有人買，「你唔會注入咗（收購資產）後，間公司忽然變得好值錢㗎」？
另外，部份公司管理層明顯有玩財技前科，例如PNG資源（221）供股供不停，詹劍崙認為該類公司都不宜購買。市場上亦多人放消息炒高股價，但他認為流料居多，「自己分析好過啦」。
他認為炒細價股，成交始終是買入賣出的最大訊號。例如阿里影業（1060）當時散戶4元以上照吸納，「喺股票機睇到你買入幾多，啲人無限沽落嚟，即係有人派緊貨」。而股價越跌成交越大，是不少人開始出貨的證明。
留意成交 小心「藍燈籠」
部份細價股可以當作大市「藍燈籠」，一有人炒代表股市已經衰落，例如中國星（326）、亞洲能源（351），「要炒應該一早炒咗，連呢啲都升埋，我就覺得股市弊傢伙」。
細價股一直被視作高風險投資，詹劍崙認為有「低風險炒股法」，例如小注買專業旅運（1235）及萬華媒體（426），「既有資產而且一直都希望賣殼」，可長線投資。部份市價較現金值為低的股票如威華達（622）都可博上升。
詹劍崙坦言，細價股最大的敵人，其實就是自己，因為散戶心態上一般不會止蝕。然而細價股一旦急挫，近乎沒有止蝕空間，「只可以無時無刻問自己，應唔應該持有呢隻股票」。