港股成交一日少過一日，全球主要市場指數亦不停尋底（當然不包括只可看好的A股），大家都在問：「個市點解會搞到咁？」有基金朋友說︰「鬼咩，成條街無想法、無方向兼無錢買嘢，成交點會多呀……就算唔同你計之前輸咗嗰啲錢，成個倉都仲係蟹貨，邊有新錢可以再去買嘢？個市又點會升？」
只有繼續「等運到」？友人說：「個市咁樣無法啦，惟有等囉，有錢賺唔通我唔買咩，不如你話畀我聽仲有乜嘢好買？」既然看淡，何不「掉轉頭」沽空？朋友高八度說：「你想死呀！都唔同你計阿爺日日喺度查、但仲未有正式定義嘅惡意沽空同埋集中沽貨，無啦啦可以突然出招挾個市，個倉就即刻玩完……咁嘅時勢，就算唔睇好，沽空並唔係一個好嘅選擇。」
要等多久？友人指可能要等到第四季，但這只是最好的預測。他說：「若果短期內中國再無推出一啲刺激經濟措施，可能要等出年，呢鋪真係杰。」題外話，於NASA火星探測車好奇號傳回地球的最新照片，駭然發現「蟹」蹤，堪稱「蟹到去火星」，股市看來凶多吉少。大家保重。
密西比