USB叉電器，在現今世代，可以說多多都不夠使！XPOWER剛新到了一款X4WT，的確令人相當心動，細到一個插頭的size，竟然有4個USB頭的設計，要知腦場內類似的USB分頭，起碼大上一倍！不過更重要的是總輸出係最強勁的6.8A，四個智能插位都可提供2.4A輸出，機身會自動轉換，只要它感應到是需要2.4A的產品，便會提供2.4A輸出，直至有兩個產品都是2.4A後，剩餘兩個便會自動轉換為1A。市面上一般的智能插頭都只有兩個，四個都是智能插位的裝置相對較少。
機身細咗、輸出又大咗，可能大家都開始擔心會有過熱或安全問題。記者測試時都有類似考慮，不過sales馬上回答說：「XPOWER是香港品牌，絕非一般國產貨色，而且此機已取得香港機電工程署認可，機身內置短路保護、過電流保護、過度充電保護、過度放電保護及過熱保護，相對用得放心得多。」不過當然，價錢亦同一般國產四頭USB分頭冇得比，新機到貨價$288，購買與否要看自己實際需要了。
查詢：AGrade（深水埗欽洲街94號黃金中心地舖47）
記者：朱崇德