【論細價股】
詹劍崙:「中國天然氣(931)唱到一街都係,咁仲唔係心理遊戲?全世界同你買上去,1.9元上到2.4元,我冇賺呢啲錢囉,唔知幾時又炸落去。不過𠵱家冇咁危險嘅,仲有1.2元,中國天然氣主席簡志堅相對算有良心,跌到咁仲頂住,佢跌一半咪好人囉。」
阿嬸對宏安系好過對老公
詹劍崙:「宏安(1222)、PNG資源(221)及位元堂(897)成日供股,屋村啲阿嬸嘔錢出來支持,連佢哋買餸錢都嘔埋出來,嗰啲好肯畀錢架喎。我畀你呀,乜都畀晒你,你供幾多,我都畀晒你。點解好過對老公嘅?長期唔服輸,仲繼續嚟。」